خطوات الكشف علي الموبيل المستعمل قبل شراءه للتاكد من سلامته

السلام عليكم و رحمة الله و بركاته

الخطوات اللازم اتباعها للتاكد من سلامة الموبيل المستعمل



1- لو كان العضو من علي النت يتم عمل بحث برقم موبيله علي جوجل و محاولة معرفة اي معلومات عنه و لو كان من المنتدي ابحث عن جميع مشاركاته

2- الكشف علي الحاله الخارجيه للجهاز و التاكد من ان الوش اصلي ولا هاي كوبي و اكتشاف كل الخدوش في الوش

3- تجرية كل الزراير و تشوف فيها حاجه تقيله ولا لا و زراير الجنب اهم حاجه لانها بتبوظ بسرعه

4- تجربة الكاميرا الخلفيه و الاماميه و التاكد من عدم وجود اي نغمشه في الصوره او الوان غريبه و جعل خاصيه الفلاش on لتجربته و التاكد من عمله

5- تجربة البلوتوث ( ارسال و استقبال)

6- تجربة الارسال و الاستقبال للمكالمات من الموبيل و التاكد من وضوح سماعه الاذن و التاكد من استماع المتصل به اليك جيدا و عمل مكالمه اخري اخري لو الجهاز فيه فلاته لاني ممكن يكون بيشتغل احيان و احيان و بالذات سامسونج لاني فلاته ضعيفه و بيكون سماعه الاذن هيه سماعه الجرس

7- تجربه الصوت الخارجي و التاكد من وضوحه و عدم وجود تشويش فيه و التاكد من علوه حسب نوع الموبيل

8- التاكد من عمل سوكيت السماعه بتجربة السماعه و سوكيت الشحن بالتجربه في اي مكان

خطوات الكشف الموبيل المستعمل شراءه

9- التاكد من عدم فتح الموبيل من قبل في اي محل او محوله التدقيق في المسامير و محاوله اكتشاف اي خدوش بداخلها و لو في خدوش في المسمار يبقي اتفتح قبل كده و للعلم ممكن يكون متركبله مسامير جديده و دي محدش هيعرف يفرقها الا لو دي شغلته

10- التاكد من ان سريال الموبيل نفس سريال الكرتونه و للتاكد من سريال الموبيل ( نجمه شباك زيرو سته شباك ) و لو العلبه مش موجوده يتم كتابه مبايعه من البائع

11-تجربه بيت كارت الميموري (شغال ولا لا ) وبتركيب كارت ميموري
و فرمتة كارت الميموري للتاكد من سلامته

12- لو الموبيل فيه واي فاي يتم التاكد منه بتشغيله و البحث عن اي شبكه و طبعا ممكن يكون المكان اللي انت فيه مفهوش شبكه

13- احتياطي علشان الموبيل ميكونش اتهلك شوف عدد الساعات بالنسبه لنوكيا فقط (نجمه شباك تسعه اتنين سبعه صفر اتنين سته ثمانيه تسعه شباك)
لو الموبيل عامل عدد ساعات قليله طبعا ده شئ كويس يعني مثلا تحت ال 100 ساعه انما لو كتير بيكون الموبيل مستهلك و مكوناته مستهلكه


14- لو الموبيل مفتوح من قبل تعمل نفس الخطوات اللي فاتت
و اهم شئ ميكونش مغير شاشه الا بشاشه اصليه لاني الشاشه المضروبه بتفرق كتير و نتاكد من الشاشه الاصليه بعمل ريستارت للموبيل و لو الشاشه اصليه هتلاقيها جامد درجه لون اسود في الاول و بعد كده اللون يتغير رمادي و بعد كده تنور ابيض لو الشاشه مش اصليه هتنور علي طول ابيض

15- التاكد من صاحب الموبيل من اني البطاريه اصليه و بالذات في الموبيلات الغاليه زي ال n series & e series لانه بطارياته غاليه
و تشغيل اي ملفات صوتية علي ال loud speaker لمده طويله للتاكد من قوه البطاريه